قصيدة فارس

من طرف **ameen** 26/1/2008, 20:10

هاي كيفكم ؟؟؟؟؟؟؟

اليوم جايبلكم من احلى قصائد فارس
وانشالله تعجبكم

][ .. فــارس .. ][

بقدوم فــارس أشرقت كل الأنــوار
واستـبـشـــرت كل الديـار بقدومـه

وارتـويـت ريـاض المحبة بالأمطار
واخضرّت الأرض اليباس المحرومه

وارتسمت الازهار يابخت الازهار
منهــو يلـوم الورد منـهو يلومــه ؟؟

يا فـارس الأحلام ياشـمـعة الـدار
ياللي تـنـسـّي القلــب اكبر همومه

لو هي بكيفي صغت لك شــي ماصار
وجبت الحروف بوسط فكري امعزومه

مير انـت ياملفت حروفي والانـظـار
أكــبر كثير مــن الشعور وحـــلومه

ياجــعـلها دنـيـاك تمــلى بالأخـــيار
والمــرجلـة تعــطــيك يمـنى خدومه

وينـــوّر القـــرآن قلبـــك والأذكار
ويكفيـــك شر الكــايدات وسمومه

أبوك يافارس كما طيور الاحرار
وأمك من اللي غانمات(ن) علومه

والخاله وحدة ، تستحق اغلى الاشعار
والعم واحد ، بس يسـوى العـــمومـه

فارس عسى الله يكتبك ضمن الابرار
وتـبــرّ أبــوك وجـــــدتك والأمــومــه